“ЦАГААН САР”-2018 үзэсгэлэн худалдаанд 160 сая гаруй төгрөгийн борлуулалт хийлээ

цагаансар
      Дархан-Уул аймгийн Стандарт, Хэмжилзүйн хэлтэс нь 2018 оны 2 дугаар сарын 8-12-ны өдрүүдэд “Цагаан сар-2018” үзэсгэлэн худалдааг “Эх орны бүтээгдэхүүнээ хэрэглэцгээе” уриан дор төрийн болон төрийн бус байгууллагуудтай  хамтран амжилттай зохион байгууллаа.
20 дахь жилдээ зохиогдож байгаа уг үзэсгэлэн худалдаанд Орхон, Сэлэнгэ, Булган зэрэг төвийн бүсийн аймгууд болон Улаанбааатар хотын нийт 30 гаруй аж ахуй нэгж байгууллага, 130 гаруй өрхийн үйлдвэрлэгчид оролцож нийт 160 сая гаруй төгрөгийн борлуулалт хийлээ. Энэ жилийн цагаан сар үзэсгэлэн худалдаа гол хэрэглээний хүнсний бүтээгдэхүүнүүдэд хязгаарлалт хийж Дарханыхаа үйлдвэрлэгчдийг дэмжсэнээрээ онцлогтой байлаа.
    
Үзэсгэлэн худалдаанд оролцсон, өөрсдөө үйлдвэрлэсэн нэрийн бүтээгдэхүүнийг ур хийц, бүтээгдэхүүний тодорхойлолт, хэрэглэгчдийн таашаалд нийцэж буй байдал, чанар, стандарт хангасан байдал зэргийг харгалзан шалгаруулалтыг явуулж шилдэг бүтээгдэхүүнийг шалгаруулан алдаршууллаа. Тус үзэсгэлэнд: Гран при “Шилдгийн шилдэг”-ээр “Дархан комфорт цогцолбор” ХХК-ийн хамт олон шалгарсан байна.
1. 2018 оны “Шилдэг стэнд”–тэй оролцогчоор “Мөнх дэгжих гал” ХХК,
2. “Шилдэг бүтээгдэхүүн”-ээр “Дархан ариун ундарга ХХК-ний Ундарга чацарганын шүүс,
3. “Шилдэг бүтээгдэхүүн”-ээр “НАРА” кимчиний цехийн нөөшилсөн ногоо шалгарчээ.
   
Харин манлай бүтээгдэхүүнээр:
1. “Найртын эхэнд дэлгэрэх” ХХК-ийн Дэлгэрэх хүнсний гандангийн хэвийн боов,
2. “Дархан Хүнс” ХХК –ийн Амтлаг ааруул,
3. “Дархан Дээжис” ХХК –ийн Цагаан шанзтай еэвэн,
4. “Дархан гоёл” ХХК-ийн ноосон гоёлын даашинз коллекци, 3 хослол,
5. Шүүхийн шийдвэр гүйцэтгэх албаны 445-р ангийн Ч.Бат-Эрдэнийн урласан үндэсний хөгжмийн зэмсэг болох З толгойтой морин хуур,
6. “Дархан гэрэл” ХХК –ийн Тахиан махан хиам,
7. Дархан сумын 5-р багийн иргэн Г.Долгорын урласан Үндэсний эдлэл хэрэглэл Хөөргөний даалин,
8. Дархан сумын 15-р багийн иргэн Бүдийн Нандин-Эрдэнийн Хромон гутал,
9. “Батбүрэн толгой” ХХК-ийн Аяа бууз,
10. “Хийморь язгуур” ХХК-ийн Хийморь хүүхдийн дээлний коллекц шалгарчээ.
Ийнхүү айлчлан ирж буй гал нохой жилийн сар шинийн баярт зориулан зохион байгуулсан “Цагаан сар-2018” нэг цэгийн үзэсгэлэн худалдаа өргөн дэлгэр зохион байгуулагдаж, шилдгүүдээ тодрууллаа.

Цахилгааны улсын шалгагч нарын дунд ур чадварын тэмцээн зохион байгууллаа

 ur chadvar

      Монгол улсад Хэмжилзүйн байгууллага үүсч хөгжсөний 95 жил, Стандартчиллын 65 жил, Сорьцын хяналтын 55 жилийн ой угтаж зохион байгуулах ажлын хүрээнд Хэмжлийн нэгдмэл байдлыг хангах  тухай хууль,  “Хэмжих хэрэгслийн баталгаажуулалтын гэрчилгээ бичих журам”, MNS 2816:2003 “Идэвхтэй, идэвхгүй эрчим хүчний хувьсах гүйдлийн ватт цагийн цахилгаан тоолуур шалгах арга хэрэгсэл” стандартын дагуу Төвийн бүсийн цахилгааны улсын шалгагч нарын дунд ур чадварын тэмцээн зохион байгууллаа.  
Тэмцээнд: Дархан-Уул аймгийн СХЗХ-ийн улсын шалгагч С.Рэнчинсүрэн, Б.Эрдэнэчулуун нар, Сэлэнгэ аймгийн СХЗХ-ийн улсын шалгагч Н.Лхагвахүү, Төв аймгийн СХЗХ –ийн улсын шалгагч Б.Алтансоёмбо нар оролцож
1. Нэг фазын механик тоолуурыг угсрах
2. Угсарсан тоолуурт тохиргоо хийж баталгаажуулах
3. Гэрчилгээ, мэдэгдэл бичих
4. Хэмжлийн нэгдмэл байдлыг хангах  тухай хууль, “Хэмжих хэрэгслийн баталгаажуулалтын гэрчилгээ бичих журам”, MNS 2816:2003 “Идэвхтэй, идэвхгүй эрчим хүчний хувьсах гүйдлийн ватт цагийн цахилгаан тоолуур шалгах арга хэрэгсэл” стандартын хүрээнд тест ажиллаж ур чадвараа сорив.
      Тэмцээний  тэргүүн байрыг Дархан-Уул аймгийн СХЗХ-ийн улсын шалгагч С.Рэнчинсүрэн эзэлж  “Өргөмжлөл”  дурсгалын зүйл хүртлээ.
Ур чадварын тэмцээнийг цахилгааны улсын шалгагч нар хоорондоо туршлага солилцох, ахмад хэмжилзүйчээс суралцах зорилгоор зохион байгуулсан нь үр дүнтэй, шинэлэг ажил боллоо.
Тэмцээнд хүрэлцэн ирж амжилттай оролцсон цахилгааны улсын шалгагч нартаа Дархан-Уул аймгийн СХЗХэлтсийн хамт олны зүгээс талархал дэвшүүлье.

2018.02.12 1

Булган аймгийн СХЗХэлтэс аймгатаа 2-р байрт орлоо

     Төрийн захиргааны байгууллагын үйл ажиллагааг бэхжүүлж, иргэдэд хүргэх, төрийн ажил үйлчилгээний чанар, үр өгөөжийг нь дээшлүүлэхээр удирдлага зохион байгуулалтын арга хэмжээ авч амжилттай хэрэгжүүлснээр 2017 оны үйл ажиллагаа болон Хяналт-шинжилгээ үнэлгээний ажлаар аймагтаа 2 дугаар байр эзэлж өргөмжлөл, мөнгөн шагналаар шагнагдав.

Булган аймгийн СХЗХ

Барьцаалан зээлдүүлэх үйлчилгээний газруудын үнэт эдлэлийн жинг баталгаажууллаа

unetedlel
          

      Дархан-Уул аймгийн Стандарт, хэмжилзүйн хэлтэс нь үнэт эдлэл худалдаалж буй иргэд, аж ахуй нэгжүүдийн бүтээгдэхүүнд сорьцын хяналт явууллаа. Энэ ажлын хүрээнд Хэмжил зүйн нэгдсэн лаборатори ньМөнгөн аяга MNS 6505:2015” стандарт, “Барьцаалан зээлдүүлэх үйлчилгээ. Ерөнхий шаардлага MNS 5274:2017” шинэчилсэн стандартын хэрэгжилтийг хангуулахзорилгоор42 ААН, иргэний худалдан борлуулж байгаа үнэт эдлэл, мөнгөн аяга болон барьцаалан зээлдүүлэх үйлчилгээний газруудадшалгалт хийж нийт 29 мөнгөн аяганд хэмжилт хийж, 34 үнэт эдлэлийн жинд баталгаажуулалт хийлээ.

Барьцаалан зээлдүүлэх үйлчилгээний газруудад үзлэг, шалгалт явууллаа

darhan2 1sar
      Дархан-Уул аймгийн Стандарт, хэмжил зүйн хэлтэс нь “Хуулиа мөрдье-21”, “Сэрэмжилье-Нэгдье” арга хэмжээг хэрэгжүүлэх ажлын төлөвлөгөөний дагуу аймгийн Цагдаагийн газартай хамтран Дархан сумын нутаг дэвсгэрт үйл ажиллагаа явуулж буй нийт 62 ААН, иргэний барьцаалан зээлдүүлэх үйлчилгээний газруудад “Барьцаалан зээлдүүлэх үйлчилгээ. Ерөнхий шаардлага MNS 5274:2017” шинэчилсэн стандартын хэрэгжилтийг хангуулах, мэдээлэл өгөх, танилцуулах зорилгоор 1-р сарын 25-26-ны өдрүүдэд үзлэг, шалгалтыг 44 газарт явуулсан ба шалгалтанд хамрагдаагүй буюу ажиллахгүй, хаалттай 18 газар байв.  
      Үзлэг шалгалтын явцад хүнсний дэлгүүр болон согтууруулах ундааны борлуулалт, үйлчилгээ явуулж буй эзэмшил талбайд байрласан, ажлын байр нь 20,0 м2–аас хүрэхгүй талбайтай, хүлээж авсан бараа, материал, бичиг баримт, эд зүйлсийг хадгалах тусгай өрөөгүй, үйлчилгээний газар нь программ хангамж, сүлжээ, цахим бүртгэл хөтлөн явуулахад хэрэглэгдэх боломж шийдэлтэй шаардлага хангасан техник тоног төхөөрөмжөөр тоноглогдоогүй, цахим бүртгэлийн системд эрх бүхий байгууллага болон түүний зөвшөөрсөн холбогдох аж ахуйн нэгжийн албан тушаалтан хандах, зөвхөн өөрт хамааралтай мэдээлэл авах боломжгүй зэрэг нийтлэг зөрчлүүд илэрсэн.
      Цаашид “Барьцаалан зээлдүүлэх үйлчилгээ. Ерөнхий шаардлага MNS 5274:2017” шинэчилсэн стандартын дагуу үйлчилгээ эрхлэх боломжийн талаар холбогдох мэргэжлийн байгууллагаар эрсдлээс урьдчилан сэргийлэх зорилгоор мэргэжлийн үнэлгээ /галын байгууллага, цагдаа г.м/ хийлгэх, камер, дохиолол хамгаалалтад хамрагдаж, зээлдэгчийн барьцааны эд зүйлсийн бүрэн бүтэн, аюул эрсдэлгүй байдлыг хариуцах, ажилтан, алба хаагч нь сургалт, зөвлөгөөнд хамрагдах, татварын нэгдсэн системд холбогдож, кассын машин, хэвлэх төхөөрөмжийг бүрдүүлэн стандартыг хангаж, орон нутгийн эрх бүхий байгууллагаас үйл ажиллагаа явуулах эрх, цагийн хуваарийг аван ажиллах талаар мэргэжил арга зүйн зөвлөгөөг өгч ажиллалаа.

Дархан-Уул аймаг Стандарт, хэмжил зүйн хэлтсийн дэргэдэх баталгаажуулалтын орон тооны бус зөвлөлийн ээлжит хурал зохион байгуулагдлаа

darhan2sar

      Дархан-Уул аймгийн Стандарт, хэмжил зүйн хэлтсийн дэргэдэх баталгаажуулалтын орон тооны бус зөвлөлийн хурлыг 1-р сарын 30-нд зохион байгууллаа. Баталгаажуулалтын шинжээч нар 1-р сард 25 ААН, иргэний 1 бүтээгдэхүүн, 27 үйлчилгээнд тохирлын үнэлгээ явуулсан. Үүнээс шаардлага хангаагүй 7 ААН-д үүрэг даалгавар өгөн, дахин үнэлгээ хийхээр болов. Харин стандартын “шаардлагын хэмжээнд” гэж үнэлэгдсэн 18 ААН-ийн 20 үйлчилгээний газрыг хурлаар хэлэлцүүлж, 18 үйлчилгээний газарт тохирлын гэрчилгээг олгохоор шийдвэрлэлээ. 1 ААН-ийн 1 үйлчилгээний газар хуралд ирээгүй тул дараагийн хурлаар хэлэлцүүлэхээр шийдвэрлэсэн.
      Мөн Хэрэглэгчдийн эрх ашгийг хамгаалах нийгэмлэг, Дархан-Уул аймаг дахь Хүнсчдийн холбоотой 2018 онд хамтран ажиллах гэрээг байгууллаа.

Баталгаажуулалтын зөвлөл хуралдлаа

2018.01.30

   Аймгийн Засаг даргын 2018 оны А/48 тоот захирамжаар батлагдсан Баталгаажуулалтын зөвлөлийн орон тооны бус зөвлөлийн ээлжит хурал 2018 оны 01дүгээр сарын 30-ний өдөр хуралдлаа.

Хуралдаанаар 12 худалдааны газар, 2 хоолны газар, 1 дэн буудал, 1 автомашины сэлбэгийн худалдаа, 1 авто засварын үйлчилгээний газрын тохирлын үнэлгээний үр дүнг хэлэлцэн, тус газруудадтохирлын гэрчилгээг шинээр болон сунгах шийдвэрийг гарган 1 хоолны газрыг хойшлуулан үл тохирлыг залруулан дахин үнэлгээнд хамруулах шийдвэрийг гаргалаа.

Шийдвэрлэсэн нь:

  Бүтээгдэхүүний нэр Шинээр Сунгалт Дэмжсэн Татгалзсан
1 Худалдааны газар 7 5 12 0
2 Хоолны газар 1 1 1 1
3 Үйлчилгээний газар 2   2 0
4 Буудал   1 1 0

Мал төхөөрөх болон мах боловсруулах үйлдвэр, дундын зуучлагч, малчдын хоршоодод зориулсан сургалт, хэлэлцүүлэг зохион байгууллаа

1
    

      Дархан-Уул аймгийн Стандарт хэмжилзүйн хэлтэс нь Монгол улсад ажлын байр нэмэгдүүлэх нь (SECiM) төслийн хүрээнд АЗДТГ, ХХААГ, МХГ, ХХҮГ, ХЭАХН-тэй хамтран “Мал төхөөрөх болон мах боловсруулах үйлдвэр, дундын зуучлагч, малчдын хоршоод, албаны төлөөлөлд зориулсан сургалт, хэлэлцүүлэг”-т Махны салбарын техникийн зохицуулалтын төслийг танилцуулж санал аван “Махны салбарын техникийн зохицуулалт, Үхэр, өсвөр үхэр, адууны өрөөл, тал өрөөл, хонь, хурга, ямааны гулууз мах. Техникийн ерөнхий шаардлага MNS 1111:2007, Мах, махан бүтээгдэхүүн. Үхрийн хэсэглэж, ангилсан мах. Ерөнхий шаардлага MNS 2456:2009, Мах, махан бүтээгдэхүүн. Хонь, ямааны хэсэглэж, ангилсан мах. Ерөнхий шаардлага MNS 2457:2009” стандартуудаар хиамны үйлдвэр, бууз, баншны цехийн 20 гаруй ажилтан, менежерүүдэд мэдээлэл өгч, санал солилцлоо.

Дархан-Уул аймагт үнэт эдлэл худалдаалж буй иргэд, аж ахуй нэгжүүдийн бүтээгдэхүүнд сорьцын хяналт явуулж, мөнгөн аяга MNS 6505:2015 стандартын хэрэгжилтийн шалгалт явууллаа

darhan
     

      Стандарт, Хэмжилзүйн Хэлтэс 2018 оны 1-р сарын 18-ны өдөр Дархан-Уул аймагт үнэт эдлэл худалдаалж буй “Тээвэр Дархан” ХК-ийн Алтан сагс захын лангуунууд, “Дархан Номин” худалдааны төвийн лангуунууд, “Олон улсын худалдааны төв”-ийн лангуу, “Талст” үнэт эдлэлийн дэлгүүрүүдэд үнэт эдлэлийн сорьцын хяналт, Мөнгөн аяга MNS 6505:2015 стандарт хэрэгжилтийн шалгалтыг явууллаа.
      Шалгалтаар тус лангуунуудад үнэт эдлэлээ хэмжихэд ашиглаж байгаа баталгаагүй болон баталгааны хугацаа дууссан жингүүдийг газар дээр нь баталгаажуулав. Мөн улсын байцаагч сорьцын баталгаагүй зарагдаж байсан үнэт эдлэлүүдийг сорьцын баталгаанд 30 хоногийн дотор хамруулах албан шаардлага өглөө.

Тугнагч жин баталгаажууллаа

2018.01.12 1

2018 оны 1 дүгээр сарын 09-10-ны өдрүүдэд хэлтсийн улсын шалгагч Н. Элдэв-Очир Оюу-Толгой ХХК-ийн харьяа МAXAM ХХК-ны 3 ш, PREMIUM CONCRETE ХХК-ны 22 ш, нийт 25 ш тугнагч жинг тус тус баталгаажуулж ажиллаа. Тус компаны шалгалт тохируулгын ажлыг Хэмжих Хэрэгсэл ХХК хийж гүйцэтгэлээ.

Өмнөговь аймгийн СХЗХ

Орхон аймгийн СХЗХ-ээс 2017 онд улсын баталгаажуулалтад хамруулсан хэмжих хэрэгслийн мэдээ

orhon 01
      Орхон аймгийн Стандарт, хэмжил зүйн хэлтсийн хэмжил зүйн лаборатори нь “Хэмжлийн нэгдмэл байдлыг хангах тухай” хуулийн 7 дугаар зүйлийн 7.2, “Хэмжих хэрэгсэлд улсын баталгаажуулалт хийх журам”-ын 3 дугаар зүйлийг үндэслэн 2017 оны хэмжих хэрэгсэлд улсын баталгаажуулалт хийх гэрээг 18 аж ахуйн нэгж, байгууллагуудтай байгуулан, үр дүнгээ хэлэлцэн дүгнэн ажиллаа.
      Хэмжих хэрэгсэл баталгаажуулалтын ажлыг СХЗГ–аас олгосон итгэмжлэлийн хүрээ   мөрдөх стандартын дагуу улсын  баталгаажуулалтад хамрагдах хэмжих хэрэгслийг хугацаанд нь  баталгаажуулалт хийж, хэмжлийн 4 төрлөөр 10648 ширхэг хэмжүүр, хэмжих хэрэгсэл  шалган баталгаажуулж,  төлөвлөгөөт ажлаа  биелүүлэн  ажилласан  байна.


ОРХОН  СХЗХ

Авто жин баталгаажууллаа

2017.12.07 3

Өмнөговь аймгийн Стандарт, хэмжил зүйн хэлтэс дараах аж ахуйн нэгж, байгууллагын авто жинг баталгаажуулалтад хамрууллаа. Үүнд:

1. 2017 оны 12 дугаар сарын 3 нд “Хэмжих хэрэгсэл” ХК-тай хамтран  Мера, Эрдэнэс Таван Толгой ХХК-д 4 авто жинг баталгаажууллаа.

2. 2017  оны 12 дугаар  сарын 6 нд Оюу-толгойн импортын гаалийн авто жинг ээлжит баталгаажуулалтанд хамрууллаа. 

 

2017.12.07 4

АЙМГИЙН ТӨВ ДЭЭР ҮЙЛ АЖИЛЛАГААГАА ЭРХЭЛЖ БУЙ АВТО ҮЙЛЧИЛГЭЭНИЙ ГАЗРУУДАД ТОХИРЛЫН ҮНЭЛГЭЭ ХИЙГДЭЖ БАЙНА

2017.12.01
       Стандартчилал, тохирлын үнэлгээний тухай хуулийг хэрэгжүүлэх ажлын хүрээнд аймгийн Засаг даргын 2017 оны А/476 тоот захирамжаар батлагдсан ажлын хэсэг Даланзадгад суманд авто үйлчилгээний чиглэлээр үйл ажиллагаа явуулж буй газруудад тохирлын үнэлгээ хийж байна. Ажлын хэсэгт Стандарт хэмжилзүйн хэлтсийн шинжээч, улсын шалгагч, Авто тээврийн газрын тээвэр зохицуулагч нар ажиллаж байна.

          Авто үйлчилгээний газруудад MNS 5025:2010 "Авто үйлчилгээ. Ангилал, ерөнхий шаардлага" стандартад зааснаар ажлын байрны орчин нөхцөл холбогдох стандартын шаардлага хангаж байгаа эсэх, авто засварын үйлчилгээ нь технологийн картад тусгагдсан тоног төхөөрмж, багаж хэрэгслээр хангагдсан эсэх, тэдгээрийн баталгаажуулалт, тухайн байгууллагын ажилтнуудын мэргэжил, мэргэшүүлсэн байдал зэрэгт үнэлгээ өгөх ажлуудыг хийж байна. Үнэлгээний үр дүнгээр стандарт шаардлагад нийцэ ж буй газруудад "Тохирлын гэрчилгээ " олгогдох юм.

 

Өмнөговь аймгийн СХЗХ

ХАБЭА-н стандартуудыг таниулан сурталчиллаа

orhon29Nov
     Орхон аймгийн Хөдөлмөр халамж үйлчилгээний газраас "Эрдэнэтчүүд эрдэнэтчүүдтэй хайртай” хөтөлбөрийг хэрэгжүүлэх ажлын хүрээнд 2017 оны 11-р сарын 24-ний өдөр зохион байгуулсан “Хувиараа хөдөлмөр эрхлэгчдэд зориулсан ХАБЭА-н сургалт”-д хамтран оролцож, Хөдөлмөрийн эрүүл мэнд, аюулгүй байдлын удирдлагын тогтолцоо-Шаардлага MNS OHSAS 18001:2012 стандарт  болон Хөдөлмөрийн нөхцлийн стандартуудыг таниуллаа. Сургалтанд хувиараа хөдөлмөр эрхлэгч нийт 23 хүн хамрагдсан байна.

Хийн түгээгүүр баталгаажууллаа

umnugovi


     2017 оны 11 дүгээр сарын 17-20-ны өдрүүдэд Өмнөговь аймгийн Даланзадгад хотод шинээр ашиглалтанд орж байгаа "Дашваанжил" ХХК, Gorgas" ХХК-ны Автомашин хийгээр цэнэглэх станцийн нийт 2 түгээгүүрийн 4 ширхэг шингэн хэмжигчийг MNS 6357:2012 Стандартын дагуу шалгаж баталгаажуулаа.

Өмнөговь СХЗХэлтэс

Цахилгаан эрчим хүчний чадлын суурин эталон тоног төхөөрөмжид ээлжит шалгалт, тохируулга хийлээ

21NOVorhon

 “Хэмжлийн нэгдмэл байдлыг хангах тухай” хуулийн 14 дэх зүйлийн 1-р заалтыг үндэслэн хэмжих хэрэгслийн шалгалт тохируулгын гэрээний дагуу эрчим хүчний чадлын улсын эталоноос нэгж дамжуулан, хэмжих хэрэгслийн шалгалт тохируулгын  ажил хийгдлээ. Үүнд: “Эрдэнэт-Үйлдвэр” ХХК-ний Цахилгаан цех, ЧХХ–ийн цахилгаан хэмжүүрийн лаборатори,  “Эрдэнэт Дулааны цахилгаан станц” ТӨХК –ний цахилгаан хэмжүүрийн лаборатори, “ЭБЦТС” ТӨХК , “Эрдэнэт-Ус ДТС” ОНӨХК-ний цахилгаан  тоолуурын лаборатори болон Орхон аймгийн СХЗХ-ийн цахилгаан хэмжүүрийн лабораторийн ажлын эталон тоног төхөөрөмжүүд  хамрагдлаа. Шалгалт тохируулга нэгж дамжуулалтын ажлыг  Стандарт, хэмжил зүйн газрын ЦХЭЛ-ийн  мэргэжилтэн  Ж.Ариунтунгалаг, М.Лхагвасүрэн нар ирж гүйцэтгэсэн байна.

ОРХОН СХЗХ

Онол практикийн бага хурал зохион байгууллаа

onolpractic13NOV

     Дархан-Уул аймгийн СХЗХ нь Дэлхийн Чанарын Өдрийг тохиолдуулан  “Манлайллын ач холбогдол” сэдэвт онол практикийн бага хурал”-ыг  2017 оны 11 дүгээр сарын 7-ны өдөр ШУТИС-ийн ДаТСургууль, “Дархан Меат Фүүдс” ХХК-тай хамтран амжилттай зохион байгууллаа.
     Хуралд Дархан-Уул аймгийн ЗДТГ, МХГ, ДСЦТС ХК, ДДЦС ТӨХК, Дархан-Ус Суваг ХК-ийн инженер техникийн ажилтнууд болон Дархан-Уул аймгийн ШУТИС-ДаТС, АШУҮИС-ийн Дархан салбар, Хүмүүнлэгийн ухааны их сургууль, Дархан дээд сургуулийн эрдэмтэн багш нар судлаач, оюутнууд өөрсдийн бүтээл судалгааны ажлаар нийт 23 илтгэл оролцов. Эрдэм шинжилгээ, ОПБХ-ын зочин илтгэлээр Дархан Меат Фүүдс ХХК-ийн дотоод хяналтын ахлах мэргэжилтэн Х.Буянхишиг илтгэл тавьлаа.
Энэ удаагийн эрдэм шинжилгээ, онол практикийн бага хурал нь хамрах хүрээ ихтэй болж, илтгэл тавьсан албан хаагч, багш нарын нийт 14  илтгэлээс:
1.    Хяналт шинжилгээ үнэлгээ, дотоод аудитын хэлтсийн дарга, доктрант  Д.Жаргалсайхан “Төрийн захиргааны байгууллагын үйл ажиллагааны гүйцэтгэл (үр дүнд)-д манлайлагчийн мэдлэг ур чадвар нөлөөлөх нь” сэдэвт илтгэл Тэргүүн байр;
2.    ШУТИС-ийн ДаТС-ийн багш, магистр  Л.Оюунчимэг, ДДЦС ТӨХК-ний техник хяналтын инженер С.Гантүлхүүр, ШУТИС-ДаТС-ийн багш, Доктор (Рh.D)8 Д.Даваацэрэн нарын “БКЗ-75-39 ФБ зуухны утааны хийнд хийсэн харьцуулсан судалгаа” сэдэвт илтгэл Дэд байр;
Оюутануудын нийт 9 илтгэлээс:
1.    ХААИС-ийн АБС-ийн оюутан Б.Хишигбаяр “Оюутны манлайлах чадварыг нэмэгдүүлэх боломж, арга зам” сэдэвт илтгэл Тэргүүн байр;
2.    ШУТИС-ДаТС-ийн оюутан Б.Оюунчимэг, Д.Энхбилгүүн “Хөрсний чийгшил ба агаарын температур хэмжих хэрэгслийн судалгаа” сэдэвт илтгэл Дэд байрт тус тус шалгарлаа. Нийт оролцсон 23 илтгэлээс шилдэг 10 итгэлийг товхимол болгон хэвлэж амжилт гаргасан албан хаагч, багш, оюутнуудад дурсгал болгон гардуулж өглөө.

2017 оны аймгийн шилдэг Чанарын менежер шалгарлаа

11sar13
     “Дэлхийн чанарын өдөр”-ийг тохиолдуулан Стандарт, хэмжилзүйн хэлтсийн дэргэдэх орон тооны бус баталгаажуулалтын зөвлөлөөс жил бүр аймгийн шилдэг чанарын менежерийг шалгаруулдаг уламжлал тогтоод өдгөө 5 жил болж байна.
     Энэхүү шалгаруулалтыг журмын дагуу 11 үзүүлэлт бүхий шалгуур хуудсаар дүгнэдэг бөгөөд “Байгууллагын алсын хараа, эрхэм зорилго, тэдгээрийн хэрэгжүүлэх зорилтууд, хүрэх арга замыг хэр зөв оновчтой тодорхойлсон, хэрэглэгчдийн болон хамтрагч байгууллага, хүмүүсийн эрэлт хэрэгцээ, ашиг сонирхлыг харгалзан үздэг байдал, олон улсын чанарын удирдлагын тогтолцоог үйл ажиллагаандаа хэрэгжүүлэн ажилласан байдал, үр дүн” зэргийг харгалзан үздэг.
     2017 онд аймгийн ЗДТГ-ын Хяналт шинжилгээ үнэлгээ, дотоод аудитын хэлтсийн дарга Д.Жаргалсайхан аймгийн шилдэг чанарын менежерээр шалгарч 2017 оны 11-р сарын 7-ны өдөр өргөмжлөл, цомыг гардууллаа.
     Д.Жаргалсайхан нь “Хөгжлийн бодлого төлөвлөлтийн тухай” хуульд заасан “Судалгаа шинжилгээнд үндэслэсэн байх” зарчмыг бодит ажил болгон ажилладаг бөгөөд төрийн байгууллагад чанарын менежментийн тогтолцоо ISO 9001 олон улсын стандартыг нэвтрүүлэх ажилд гар бие оролцон, “Чанарын баг”-ийг байгуулж, төрийн үйлчилгээг шуурхай НЭЭЛТТЭЙ, ИЛ ТОД, ЧИРЭГДЭЛГҮЙ болгох, үйл ажиллагаандаа хяналт тавих, байнгын сайжруулалт хийх, иргэдийн сэтгэл ханамжийг дээшлүүлэх ажилд ихээхэн хувь нэмэр оруулан ажиллаж байгаа удирдах албан тушаалтан юм.

Төв аймагт “Нэг сум - Нэг бүтээгдэхүүн 2017” үзэсгэлэн худалдаа зохион байгуулагдлаа

06NovTuv

     “Нэг сум - Нэг бүтээгдэхүүн – 2017” үзэсгэлэн зохион байгуулах тухай аймгийн Засаг даргын захирамж ( 2017 оны А/582 )–ийн дагуу 2017 оны 10 дугаар сарын 17-20-ны өдрүүдэд Төв аймгийн Зуунмод сумын соёл, амралтын хүрээлэнд төрийн болон төрийн бус байгууллагууд хамтран батлагдсан удирдамж, хөтөлбөрийн дагуу зохион байгууллаа.
Энэ удаагийн үзэсгэлэн худалдааг “Ажилтай орлоготой иргэн” урианы жилийн хүрээнд аймгийнхаа жижиг дунд үйлдвэрлэл эрхлэгчид, аж ахуйн нэгжийн үйлдвэрлэсэн бараа бүтээгдэхүүнийг сурталчилан таниулах, худалдаалах зорилгоор хэрэгжүүлсэн бөгөөд 27 сумын үйлдвэрлэл эрхлэгч 270 гаруй иргэн, аж ахуйн нэгж оролцон нийт 248,2 сая төгрөгийн борлуулалт хийсэн байна.
“Нэг сум – нэг бүтээгдэхүүн 2017” үзэсгэлэн худалдааны шилдэг бүтээгдэхүүнийг тусгай номинациар шалгаруулсан. Үүнд:
Экологийн цэвэр бүтээгдэхүүн:

Баянцагаан сумын Ахмадын бүлэг “ Улаан сармис”

Хүнсний шилдэг бүтээгдэхүүн:

Зуунмод сум “Таван түрүү хөгжил” ХХК Д.Энх-Эхлэл “Эхлэл бэйкери” гурилан бүтээгдэхүүн

Аж үйлдвэрийн шилдэг бүтээгдэхүүн:

Баянчандмань сум “Чандмань оргил трейд” ХХК Э.Доржпүрэв “Шүүдэр” нойтон салфетка

Гар урлалын шилдэг бүтээгдэхүүн:

Баян сум ХХЭ Ш.Бат-Эрдэнэ “Зэс домбо”

Шилдэг хоршоо:

Баяндэлгэр сум “Өүлэн эх” хоршоо  Л.Мэндсайхан “Памбагар цагаан” эсгий гутал

Хэрэглэгчийн баталгаат бүтээгдэхүүн:

1.    Заамар сум “Авдрантын өгөөж” ХХК захирал Д.Нарангэрэл “Овьёостой жигнэмэг” 99200800
2.    Батсүмбэр сум  “Ноён уул овоот”  хоршооны  И.Марья “Түүхий сүүний бяслаг”   
3.    Цээл сум ХХЭ Т.Бичээ  “Ланзтай буриад гутал”

“Нэг сум- Нэг бүтээгдэхүүн 2017” үзэсгэлэн худалдаанд зохион байгуулалт сайтай оролцсон Шилдэг 3 сум :
1.    Борнуур
2.    Батсүмбэр
3.    Баянөнжүүл
Мөн 2017 оны үзэсгэлэн худалдаанд тогтмол оролцсон  5 иргэнд  “Зээлжих эрхийн гэрчилгээ”, шинэ бүтээгдэхүүн үйлдвэрлэж буй  8 иргэн , аж ахуйн нэгжид  “Хэвлэл мэдээллийн хэрэгслээр сурталчилах эрхийн бичиг” - ээр  тус тус  урамшууллаа.


Төв аймгийн Стандарт, хэмжил зүйн хэлтэс

Орхон аймаг нийгмийн хариуцлагыг онцолж байна

 06NOVorhon 4
     “Дэлхийн стандартын өдөр”-ийг жил бүрийн 10 дугаар сарын 14-нд Олон улсын цахилгаан техникийн комисс (IEC), Олон улсын стандартчиллын байгууллага (ISO),  Олон улсын цахилгаан холбооны байгууллага (ITU)-ын гишүүн байгууллагууд тэмдэглэдэг. Энэ өдрийг  жил бүр тодорхой уриан дор тэмдэглэн өнгөрүүлдэг  бөгөөд энэ жил Олон Улсын Стандартчиллын Байгууллага (ISO)-аас  тээвэр, ус, эрчим хүч, мэдээллийн аюулгүй байдал ба нууцлал гэсэн 4 чиглэлийг онцлон үзэж   “Стандарт нь хотыг илүү ухаалаг болгоно”  гэсэн уриан дор тэмдэглэн өнгөрүүллээ.
     Дэлхийн улс орнууд ухаалаг хотыг бий болгоход  ISO 37101 Оршин суугчдын тогтвортой хөгжил, ISO/IEC 30182:2017 Ухаалаг хотын загвар хандлага - Өгөгдлийн харилцан үйлчлэлийн загварыг бий болгох удирдамж, ISO/TS 37151:2015 Ухаалаг дэд бүтэц ба оршин суугч - Гүйцэтгэлийг хэмжих зарчим ба шаардлага, ISO 37120:2014 Оршин суугчдын тогтвортой хөгжил Хотын үйлчилгээ болон оршин суугчийн амьдралын чанарын үзүүлэлтүүд, ISO/IEC AWI 21972 Мэдээллийн технологи - Ухаалаг хотын үзүүлэлтийн дээд түвшний хандлага,  ISO 26000 Нийгмийн хариуцлага зэрэг стандартуудыг  хэрэгжүүлж байна.
     Орхон аймгийн хувьд нийгмийн хариуцлагыг онцлон авч үзэж, Олон улсын стандартын дагуу нийгмийн хариуцлагыг үйл ажиллагаандаа хэрэгжүүлж, аймгийн өрсөлдөх чадвар, тогтвортой хөгжилд хувь нэмрээ оруулах байгууллагын тоог нэмэгдүүлэх, тэднийг дэмжих  зорилгоор  Засаг даргын 2016-2020 онд хэрэгжүүлэх үйл ажиллагааны хөтөлбөр болон Аймгийн эдийн засаг, нийгмийг 2017 онд хөгжүүлэх Үндсэн чиглэлд тусган хэрэгжүүлж байна. Дээрх ажлын хүрээнд  Орхон аймгийн хэмжээнд үйл ажиллагаа явуулж байгаа томоохон аж ахуй, нэгж байгууллагуудын удирдах ажилтнуудын “Нийгмийн хариуцлагын тухай” ойлголт мэдлэгийг дээшлүүлэх, улмаар стандартын дагуу нийгмийн хариуцлагыг үйл ажиллагаандаа хэрэгжүүлэхэд шаардлагатай менежментийн тогтолцооны стандартуудыг  танилцуулах зорилгоор “Олон улсын стандартын академи” -тай хамтран 2017 оны 10-р сарын 30-ны өдөр “ Нийгмийн хариуцлагын удирдамж /зөвлөмж /   MNS ISO 26000 стандартыг хэрэгжүүлэх нь” сэдэвт хагас өдрийн сургалтыг зохион байгууллаа. Сургалтыг  аймгийн Засаг даргын орлогч  А.Түвшинжаргал  нээж  уг сургалтын ач холбогдол, үр нөлөөний талаар үг хэллээ.
     Сургалтанд нийт 30 байгууллагын 37 ажилтан хамрагдсан байна. Сургалтаар Нийгмийн хариуцлагын удирдамж /зөвлөмж/  MNS ISO 26000:2012, Чанарын менежментийн  тогтолцоо - Шаардлага MNS ISO 9001:2016, Байгаль орчны менежментийн тогтолцоо. Шаардлага, хэрэглэх арга зүйн заавар MNS ISO 14001:2016  зэрэг стандартуудын танилцуулгыг  Олон улсын аудитор, сургагч багш П.Тунгалаг, Г.Туул нар хүргэсэн байна.

MNS OHSAS 18001:2012  стандартыг хэрэгжүүлэх арга зүйн сургалтыг зохион байгууллаа

 06NovOrhon

     Орхон аймгийн Стандарт, хэмжилзүйн хэлтэс нь Хөдөлмөрийн аюулгүй байдал, эрүүл ахуйн менежментийн тогтолцооны стандартыг аж ахуйн нэгж байгууллагуудад нэвтрүүлэхэд дэмжлэг үзүүлэх зорилгоор  Аймгийн  ХАБЭА-н зөвлөл болон MOSHPA  /Мэргэшсэн ХАБЭА-н мэргэжилтнүүдийн холбоо /ТББ-тай хамтран “Хөдөлмөрийн эрүүл мэнд, аюулгүй байдлын удирдлагын тогтолцоо-Шаардлага MNS OHSAS 18001:2012 стандартыг хэрэгжүүлэх арга зүй”  сэдэвт нэг өдрийн сургалтыг 2017 оны 10 дугаар сарын 27-ны өдөр Ш.Отгонбилэгийн нэрэмжит Технологийн сургууль дээр зохион байгууллаа.
     Сургалтаар Хөдөлмөрийн эрүүл мэнд, аюулгүй байдлын удирдлагын тогтолцоо-Шаардлага MNS OHSAS 18001:2012 стандартыг нэвтрүүлснээр үйлдвэрлэл, үйлчилгээний чанарыг дээшлүүлж, үр ашиг, үнэлэмжийг нэмэгдүүлэх боломж, ач холбогдлыг ойлгуулан, стандартын шаардлага нэг бүрийг болон хэрэгжүүлэх үйл явцад анхаарах асуудлуудыг онцлон  таниулж, гарын авлагаар хангасан байна. Сургалтад нийт 30 байгууллагын ХАБЭА-н ажилтан хамрагдсан байна.

СТАНДАРТ, ХЭМЖИЛ ЗҮЙН ГАЗАР. 2017 он